Петиция! «Almaty Arena» спорт кешеніне Жақсылық Үшкемпіровтің аты берілсін!

Telegram-канал
Петиция! «Almaty Arena» спорт кешеніне Жақсылық Үшкемпіровтің аты берілсін!

339 қол қойған. Нәтижені басып шығару.

Мен қолдаймын 326
Петицияға қарсымын 13

Греко-рим күресінен Мәскеу Олимпиадасы мен КСРО халықтары спартакиадасының жеңімпазы, әлем чемпионы, Еуропа біріншілігі мен Әлем кубогының күміс жүлдегері, Одақтың екі дүркін чемпионы, Қазақстанның Еңбек Ері Жақсылық Үшкемпіров. Жақсылық Әмірәліұлы­ның жүріп өткен жолы бүгінгі жастар мен кейінгі ұрпаққа үлгі. Абзал азамат соңғы демі таусылғанша елі мен хал­қына қалтықсыз қызмет етті. Оның спорттық жолы да ауыр болды.

Одақта сан мәрте теңдессіз деп танылып, халықаралық додаларда дараланғанымен, мәскеулік мамандар тарапынан көп теперіш көрді. Соның салдарынан байрақты бәсекелердің біразынан шет қалды. Десек те өзінің табандылығы мен өжеттігі және қажырлы ең­бегінің арқасында көздеген мақсатына қол жеткізді.

Үш­кемпіров 29 жастан асқан шағында ғана Олимпия ойындарында бақ сынау құрметіне бөленді. Сол мүмкіндікті ұтымды пайдаланған ол төрт жылдықтың басты додасында бас жүлдені олжалады. Ал 30 жасында әлем чемпионы атанды. Даңқты балуан боз кі­лем­мен қоштасқаннан кейін түрлі қызметтер атқарды. Кейіннен мал кәсібімен айналысып, «Жақсылық» деп аталатын шаруа қожалығын құрды. Бастаған ісін дөң­гелетіп әкеткен соң қайырым­дылықпен айналысты. Атап айтсақ, өзі тұрып жат­қан Алматы қаласының ірге­сін­дегі Мыңбаев ауылына газ тартты. Балаларға арнап спорт кешені мен балабақша, қолжетімді бағамен 50 отбасына пәтер салды. Басқа да игі іс-шаралардың басы-қасында жүрді.

Осылай тіз­бектей берсек, Олимпиада чем­пионының ел-жұртына сіңірген еңбегі өте зор. Алаш­тың мақтан тұ­тар азама­тының атында басқа қалаларда спорт мектептерінің және спорт сарайларының есімдері берілген. Өкініштісі 1980 жылы Олимпиадаға аттанған Алматы қаласында еш спорт мектептерінде, спорт сарайында әлі күнге дейін Жақсылық Үшкемпіров есімі берілген емес.

Осыған орай «Almaty Arena» спорт кешенін Жақсылық Үшкемпіровтің атына ауыстыруды сұраймыз, ағамыз лайық деп ойлаймыз!

Осы петиция туралы жаңалықтар ресурстарын хабардар етіңіз. Тек осылай ғана біз қоғамдық резонансты көтеріп, биліктің назарын проблемаға аудара аламыз.

21.07.2022, авторы Мұхаммед Самбеткул.

Басқа петицияларды қолдаңыз

Петиция! 6-7 жас аралығындағы Таеквондодан Қазақстан Республикасының чемпионаты болуын талап етеміз!

105 қол қойған

6.08.2022

Петиция! Форт-Шевченко атауы Ақкетік болып тарихи атауына қайтарылсын!

1047 қол қойған

6.08.2022

Қазақстандағы ЛГБТ пропагандасына қарсы петиция

39816 қол қойған

25.06.2022

ALASH online » Барлық петициялар » Петиция! «Almaty Arena» спорт кешеніне Жақсылық Үшкемпіровтің аты берілсін!
Бұл сайт онлайн-петицияларды орналастыруға арналған интернет-ресурс болып табылады. Қол қою процесі әлеуметтік желілердегі репосттар арқылы жүзеге асырылады. Бұл қоғамдағы проблеманы барынша жария етуге мүмкіндік береді. Сайт тек ақпараттық сипатқа ие және авторлардың пікірімен бөліспейді.

Сұрақтарыңыз болса alashonline@proton.me поштасына жазыңыз. Сайтқа кірген қолданушылар санын мына сілтемеден көре аласыз.

Сайт статистикасы

Перевести на русский язык