Петиция! Форт-Шевченко атауы Ақкетік болып тарихи атауына қайтарылсын!

Telegram-канал
Петиция! Форт-Шевченко атауы Ақкетік болып тарихи атауына қайтарылсын!

2647 қол қойған. Нәтижені басып шығару.

Мен қолдаймын 2592
Петицияға қарсымын 55

Маңғыстау облысы Түпқараған ауданындағы Форт-Шевченко қаласының тарихи Ақкетік атауын қайтару туралы петиция.

Форт-Шевченко қаласы – Маңғыстаудағы Түпқараған ауданының орталығы. Түпқараған өңірінің, Ақкетіктің тарихы тым әріде 1857 жылы Форт-Александровск, алғашқы кеңестік кезеңдерде Форт-Урицкий аталған қала, 1939 жылдан бастап өмірінің 7 жылын осында айдауда өткізген украин ақыны Т. Г. Шевченконың құрметіне Форт-Шевченко деп аталып, күні бүгінге дейін қала осы есімнің еншісінде тұр.

Маңғыстауда шөл далада мал шаруашылығымен айналысқан қазақтар қажеттілігі үшін құдықшылықты кәсіп еткен қыр қазақтары – дала еңбеккерлері жетіп-артылады. Әттең, олардың есімі мен еңбегі елеусіз... Қазақстан – көп ұлттың мекені, достық пен ауызбіршілік алдыңғы орында және оны сақтауға бәріміз міндеттіміз.

Алайда достық шексіздікке, көл-көсір шашпалыққа, есепке негізделмейтінін білеміз. Көзінің тірісінде айдауда болған азапты жылдарын көңілді, қайғысыз-қамсыз өткізуге сеп болған қазақ халқына Тарас қандай риза болса, оның басқан ізін аялап, есімін, өнерін, шығармашылығын қастерлеген бүгінгі қазаққа оның рухы мен бүкіл украин халқы риза деп білеміз.

Қарашаңырақ қала – Ақкетік өз атауын қайтып алған күннің өзінде де, Маңғыстауда Тарас ақынға көрсетіліп жатқан құрмет ақсап қалмайды және мұны ешқандай ұлтшылдыққа немесе арандатушылыққа баламай, Тарастың қандастары да түсінер...

Мемлекет басшысының бастамасымен қолға алынған «Болашаққа бағдар: рухани жаңғыру» бағдарламалық мақаласы аясында Маңғыстаудың қарашаңырағы Ақкетік атауын қайтып алса, бұл рухани, тарихи жаңғырудың жарқын үлгісі, саналық сілкіністің көрінісі. Құрметті жерлестер, бауырлар! Ақкетік атын қайтарып алуға атсалысайық!

Айбыны Ақкетіктің аласа емес,
Қайтеміз қылып босқа балаша егес.
Тарасты Тарас қылған - Ақкетік қой,
Кетікті Кетік қылған - Тарас емес!

Р. Қосбармақов.

Осы петиция туралы жаңалықтар ресурстарын хабардар етіңіз. Тек осылай ғана біз қоғамдық резонансты көтеріп, биліктің назарын проблемаға аудара аламыз.

6.08.2022, авторы Ақтұрған Матюқызы.

Басқа петицияларды қолдаңыз

Петиция! Шаруалар мәселелері бойынша жұмыс тобы құрылсын!

12882 қол қойған

11.11.2022

Әкімшілік Кодекстің тілге қатысты бөлігін қалыпқа келтіру туралы петиция

10855 қол қойған

23.10.2022

Петиция! 6-7 жас аралығындағы Таеквондодан Қазақстан Республикасының чемпионаты болуын талап етеміз!

135 қол қойған

6.08.2022

ALASH online » Барлық петициялар » Петиция! Форт-Шевченко атауы Ақкетік болып тарихи атауына қайтарылсын!
Бұл сайт онлайн-петицияларды орналастыруға арналған интернет-ресурс болып табылады. Қол қою процесі әлеуметтік желілердегі репосттар арқылы жүзеге асырылады. Бұл қоғамдағы проблеманы барынша жария етуге мүмкіндік береді. Сайт тек ақпараттық сипатқа ие және авторлардың пікірімен бөліспейді.

Сұрақтарыңыз болса alashonline@proton.me поштасына жазыңыз. Сайтқа кірген қолданушылар санын мына сілтемеден көре аласыз.

Telegram

© ALASH online